::كمبيوترك خرف...ماتعرف شو سالفته..تفضل وخبرنا مشكلتك يمكن تلقى الحل::

[المرعبة]

السلام عليكم ورحمه الله وبركاته

كثير ماتصدافنا مشاكل في استخدام الكمبيوتر <<< يعني تخريفات الكمبيوتر والهفات الي تصيبه

قد تكون تافهه في نظر البعض ومهم في نظر البعض

في هذا الموضوع اتمنى من اي عضو يواجهه مشكله في استخدامه للكمبيوتر ان يضع مشكلته هنا

وانشالله نستطيع مساعده او البحث عن حل لمشكلته

تحياتي
::المرعبة::

[فتى مدينة زايد]

الصراحة بادره جميله منج اختي المرعبه

وبارك الله فيج


وانا مشكلتي دوم في الكمبيوتر المايك

يوم ابي اتكلم ما اقدر

من رغم اني غيرته مليون الف مره

بس نفس الشي

واظن انه المشكله من داخل الجهاز نفسه

[المرعبة]

أخويه يمكن يكون ناقصك تعريف من تعارف الصوت

روح ماي كومبيوتر رايت كليك عليه
واختار
propreties>>>Hardware>>>>Device Manager

لو شفت شي من الي في اللسته عنده علامه استفهام صفرا يعني عندك شي من التعاريف ناقص خبرني وانشالله بييب لك التعريف الي ناقصك

واذا ماحصلت معناه انك لاعب بالستنج الي عندك

[فتى مدينة زايد]

ان شاء الله اختي

يوم بسير البيت بشوف .... وبخبرج


شكرا جزيلا

[ولد زايد]

قسما بالله اذا حليتي هالمشكله وشرحتيلي الحل والله لاعترف انج خطيره خطيره

السلام عليكم

صارلي شهور وذبحتني هالمشكله والله

اشغل النت واتم اتصفح وعقب فتره يطلعلي هالشي

http://www.w6w.com/w6w.php?pic=417849

وعقب الاتصال ينقطع .. واعيد الاتصال وادخل النت ونفس الشي ..

والله ذبحتني هالمشكله :( سويت فورمات ولكن المشكله بعدها

[المرعبة]

هلا والله روح الظبي

انشالله نحل مشكلتك بس اول شي اريدك تجاوب على كم سؤال عشان اعرف كيف بحل مشكلتك

اول شي اريد اقولك انه طبيعي النت بيقطع لانه الفايل الي اسمه Generic Host Process for Win32 Services

عباره عن ملف من ملفات OS

وله علاقه في الاتصال بالانترنت

المهم أسألتي هي
طبعا الوندوز عندك اكس بس هل هو هوم ادشن ولا بروفشنل
عندك برنامج زون ألآرم؟؟
هل عندك SP2
جاوب على هالاسئله وانشالله الحل بيكون عندك

[ولد زايد]

المهم أسألتي هي
طبعا الوندوز عندك اكس بس هل هو هوم ادشن ولا بروفشنل

شو هوم ادشن ولا ما اعرف شو ... كيف اعرف؟

عندك برنامج زون ألآرم؟؟

لا ما عندي


هل عندك Sp2

قصدج التحديث انا سويته عقب ما تبندت كل السبل وقلت يمكن يصلح الحال لكن نفس الشي
جاوب على هالاسئله وانشالله الحل بيكون عندك

[المرعبة]

يعني اول ما تفتح الاكس بي شو يكون مكتوب تحت بروفشنل ولا هوم

من الكمبيوتر تقدر تعرف روح ماي كومبيوتر رايت كليك

بتحصل في الجينرال مكتوب لك يا اكس بي بروفشنل او هوم

[ولد زايد]

http://img39.echo.cx/img39/1739/untit555led4ls.gif

[المرعبة]

انزين روح الظبي

ممكن تنزل SP2 وعقب بقولك شو تسوي لانه انا عندي SP2 واذا بشرح لك لازم اصور لك مالي :D

[ولد زايد]

من وين انزله ...

اسويله ابديت قصدج ...؟

[المرعبة]

هي روح الظي سو له ابديت واتأكد من الاد و الرموف انه موجود عندك

واذا متعايز تسويله ابديت خذ هذا اللنك مال اس بي 2
http://mirrors.eusatoday.co.uk/files/WindowsXP-KB835935-SP2-ENU.exe

[وحداوي%100]

الصراحة بادره جميله منج اختي المرعبه

وبارك الله فيج

[الجنــــــرال]

المرعبة ...

ماشالله عليج ...

واذا عندنا شي .. بنساعدج .. ^_^

[فتى مدينة زايد]

المرعبه انا جربت الى قلتيلي اياه

بس ما لقيت اي علامة استفهام

فا شو الحل خويتي ......؟؟

[المرعبة]

::فتى مدينه زايد ::

اخويه انت خلاص التعاريف اوكي عندك يعني موجود تعريف الصوت عندك

تاكد من الخيارات انها كلها اوكي من الكونترول بنل واذا ما حصلت شي غلط

بنرجع نزل لك التعاريف اضمن بس ياريت تقولي شو كمبيوترك هل هو لابتوب ولا كمبيوتر

تجميع ولا شركه عسب اييب لك تعريف المايك لانه لو كل شي عندك اوكي يعني مافيه اي اختيار غلط في الاوبشن ممكن يكون فيه خلل في التعريف

::وحداوي100%::

مشكور عالمرور اخويه

::الجنرال::

ماشي شغله نحلل دراستنا :D أنا مش بس قاعده افيدكم انا استفيد ترالاني اطبق الي قاعده ادرسه بالتالي تركتز عندي المعلومه وما اتعب حزة الامتحان:D يعني مش عشان سواد عيونكم

وتشكر عالمرور اخويه

تحياتي
::المرعبة::

[فتى مدينة زايد]

كمبيوتري تجميع

وهو كمبيوتر عادي ..


اما من ناحية الخيارات في الكنترول بلن اشرحيلي اياها

[ولد زايد]

نزلته وسويته

وموجود الاد والرموف

شو اسوي الحيين

[المرعبة]

خلاص يا روح الظبي يا بابا انلحت مشكلتك:D

هذا هو الحل انك تنزل السيرفس باك تو وبس وبعدين لو حسيت انه النت عندك بطي اول شي او المسنجر ما يكون عدل تروح الكونترول بانل وتختار فايروول ومن هناك تسوي الاو يعني تسكح باستخدام البراوزر مالك والمسنجر وهالاشياء وما بيفصل عندك النت وبالنسبه للرساله الي تطلع لك في عباره عن تروجان ممكن يروح بمجرد انك تسوي سكان لكمبيوترك

وانا افضل ال AVG

بس لما تنزله سكر الانتي فايرس مالك شوي ولما يخصل رده بس لو انت واثق من لانتي فايرس مالك ماله داعي تنزل شي غير


شي ثاني قبلل لا تسوي سكان روح ماي كومبيوتر رايت كليك واختار سستم ريستور بتحصل خيار فيه تيرن اوف سستم ريستور شل الصح سو السكان وعقب رده لانه هذا يخلي السستم يرجع الاشياء الي يريدها المهم هذا هو الحلو ولو تصبر عليه لي باجر بجط لك بالصور لانه الحين قاعده اذاكر وقلت لك عالسريع شو السالفه اذا تريد بالتفصيل الممل اترياني باجر عقب الساعه 10 الصبح بكون امتحنت وخلصت وبشرح لك برواق وبحط لك صور بعد

[ولد زايد]

اسميج مرعبه
من وين لج كل هالامور منو علمج ....؟

سويت كل شي

والصح اللي تقولين عنه بالسستم اصلا ما شي صح بالمربع

مشكوره مشكوره

بس والله لو طلعلي مره ثانيه تعرفين شو بسوي ....؟

بدفنج

ومشكوره

[المرعبة]

انزين عيل رد الصح بسالستم

وانشالله ما بيصير شي واتأكد دايما انك تسوي ابديت حق الانتي فايرس مالك

ولا تفكر في يوم انك تخلي انتي فايرسين ويا بعض في الجهاز بس ممكن تنزل انتي فايرس وسباي وير واحسن اسباي وير هو سباي وير دكتور وايد اوكي

وانشالله ما اراح ترجع المشكله

بس اذا حسيت النت عندك بطيئ والصفحه تاخذ وقت مثل ما قلت لك روح الكونترول بانل واختار الفاير وول ومن الستنج بيتحصل أشياء انك تسمح لها بالاستخدام بدون ما يجيك عليها

:D شو عيل ادرس وازط عالفاضي احم احم

انا اي تي ستيودنت سبشلايز ان سوفت وير اند سيكيوتي وكعكعكعك

[ولد زايد]

مشكوره

بس تعالي شو تدرسين

ليكون it

[المرعبة]

هي روح الظبي اي تي بس لا تفتح جات في موضوعي:10:

[ولد زايد]

الحين سويت اللي قلتيلي عليه

بس عندي مشكله

انا منزل برنامج ارس ماتلا الفلام

يعني برنامج مشاركه انزل منهم الموفي اليديد

الحين يوم اشغله يشتغل عادي بس عقب فتره يقطع الاتصال ولازم اسوي رستارت

يمكن المشكله من الفيروولز بس ما اعرف كيف اضبطه

واعتقد يوم سويت تحديث للحزمه اليديده اعتقد نزل وياه جدار ناري

وحسيت انه صار ابطأ وثجيل

فما اعرف كيف اضبطه ...

[المرعبة]

روحي الظبي مشكلتك بسيطه انا بشرح لك بالكلام لو ماعرفت قولي بصور لك

احم احم

اول شي روح الكنترول بانل

اختار الفاير وول

في الجنرل فيه عندك ثلاث اشياء في اون وفيه اوف وفيه خيار ثالث اسمه دونت الاول اكسبشن

انت اختار اون ولو شي صج عند دونت ألااو اكسبشن شله

بعدين نسير للاكسبشن الي هي بتكون في القايمه فوق(عندك ثلاث اشياء جنرل اكسبشن و ادفانتج)

بتحصل في هالمكان مثل مربع كبير وداخله البرامج الي انت تسمح لها تشتغل بدون ما يجيك عليها لو حصلت البرنامج مالك مبينها حط عليه صح ولو ما حصلت سو اد بروجرم واختاره وحط عليه صح

لو كلامي مش مفهوم قولي بعيد لك بالصور

جاو

[ولد زايد]

كل شي تمام يا معلمه

بس سؤال

الفيروولز هذا يوم نحط اون نحتايه ولا

يعني لو شليته من عن الاون شو بيصير

انا عندي فيروولز دايركت ببرنامج الحمايه .هل اشل الصح لاني اول ما نزلت الحزمه اعتقد نزلت وياه الفيروولز

ولا اخليه ؟

[المرعبة]

خله ما منه ضرر والبرامج الي تحتاجها خلها تمر يعني لا تخلي الفير وول يجيك عليها

بس بعد لو شليته ما يضر لو خليته عالاوف

بس يعني لزياده الحمايه خله ما بتخسر شي وما بيبطأ لك البرامج الي تسويلها اكسبشن

روح الظبي الحين كل سؤال بخمس:D

[ولد زايد]

اوكي مشكوره

كل شي تمام الحيين

مشكوره وما قصرتي يا اي تي

[وحداويه To Death]

عاشت المرعبه ..\


الصراحه المبادره طيبه منج اختي ..


و يلا انا بساعدج جان توهقتي في شي .. لو اني متأكده اند قدها ما شاء الله عليج ..

فنانه..


و حتى انا يعني بنت اي تي .. فلازم يظهر مني شي عالاقل .. بس انا اعرف حق المواقع و الاج تي أم أل و اهالاشياء اكثر .. يعني اللي بخاطره شي يتفضل .. ما بنقصر عنكم بعد اذن حبيبتي المرعبه ..


تحياتي لكم :
وحداويه تودث

[3nabia]

شكرا على هالموضوع الرائع والحمدلله للحين أحل مشاكلي بنفسي ويوم بحتاج أول شي بفكر فيه موضوعج اختي المرعبة والله يعطيج العافية

[الجنــــــرال]

خخخخ
تسلمين المرعبه ..

ههههههههههههههههه

والله نقعت ضحك ....

اذا بتمين على مشاكلهم هاي .. لا بالله ضاع الاي تي مالج ببلاش ..

ياناس .. خلو عندكم .. خلفية للامور كلها .. جربوا حاولوا ولو اخترب عادي.. ترا التجربه خير برهان


.. لاسالون قبل ماتحاولون
ولا بس .. جفتوا ان الحل بيي سهل .. خلاص .. ^_^

المهم تسلمين المرعبه .. وماعليج اي قصوووور ..

وانا الحمدلله مثلج ياعنابيه .. احل مشاكلي ومشاكل غيري .. اذا رمت عليها ^_^ وبعدني ماحدرت لا ايتي .. ولا خرابيط .. بس راسي من راسهم ههه

د . مفنود

[الوحداوي العووود]

انا المشكلة الي عندي ان الكوبيوتر ما يكتب عربي في الانترنت بس يكتب عربي في الوورد او في مكان بالكوبيوتر بس في الانترنت لا.....
و نتى لج كل التقدم

[الوحداوي العووود]

انا المشكلة الي عندي ان الكوبيوتر ما يكتب عربي في الانترنت بس يكتب عربي في الوورد او في مكان بالكوبيوتر بس في الانترنت لا..... يكتب لي نفس هاذي الطريقة بالعربي
/,-.g9:ab+567cef*'d(j3482h)id'1$!&
و نتى لج كل التقدم

[الجنــــــرال]

الوحداوي العوود..

انشالله برتبلك الطريقه .... بالصور.. اوكي